Selebra tinan 30 Organizasaun Rezisténsia Sagrada Familia iha Maliana, 2020 sei selebra iha Viqueque

Foto husi Maubere Gusmao

Tinan ida ne’e 2019, fulan jullu 27, Organizasaun Rezisténsia Sagrada Familia selebra nia aniversariu iha Munisipiu Maliana-Ritabou. Selebra loron moris organizasaun nian ba dala 30-hahu husi 1989-2019. Desizaun selebrasaun iha Maliana ne’e foti husi selebrasaun aniversariu iha LAGA tinan kotuk kuandu selebra tinan 29, pedidu selebra iha Maliana ne’e mai husi reprezentante OSF Maliana nian no hetan kedas aseitasaun husi fundador no órgaun diretiva sira iha OSF. Hahú husi desizaun OSF iha Maliana organiza kedas hodi harii komisaun hodi organiza atividade sira relasaun ho realizasaun durante selebrasaun ida ne’e.
Durante selebrasaun, Fundador Sagrada Familia Komandante L Foho Rai Boot-L-7, lidera serimónia ritual Sagrada Familia nian, iha Ninia intervensaun, hamulak no reza hatete, Sagrada Familia nudár família lulik ne’ebé halibur Timor oan hotu, istorikamente defende Timor-Leste husi okupante Ilegál militár Indonézia, Nia hateten “Saida mak maun nian, ne’e pertense ba maun nian ona no saida mak alin nia ne’e alin nian ona, labele hadau rai seluk ne’ebé la’o iha area jurizdisaun kada povu ida nian, Nune’e ita organiza malu hodi funu hasoru Militár Indonézia, ita funu la’ós tanba ita mak hakarak funu duni, maibé liu-liu funu hodi defende rai ne’ebé Maromak fó ona ba ita, funu tanba Indonézia impoin funu, ita hamriik no funu kontra sira”. Ikus mai ita konkista apoiu popular no hakarak ba vitória ukun rasik an.
Nune’e, agora tenke hateke ba oin, husik ba kotuk liafuan se mak funu liu no se mak la funu liu, iha ita nia istória hotu hotu fó no hotu hotu sofre konsekuénsia todan ne’ebé Indonézia nia militár husik hela ba ita. Sagrada família hanorin nia membru no ema tomak liu-liu foin-sa’e sira atu halo esforsu tomak para bele hetan pas, domin, estabilidade no moris di’ak. Husik ba kotuk buat hotu ne’ebé iha posibilidade fahe ita nia unidade, husik ba kotuk hahalok hotu ne’ebé karik labele ajuda ita nia progresu no moris di’ak.
Sagrada Familia mosu husi frente armada, nune’e para aléinde sira kumpre misaun nudár militár iha batalla, sira mós asume knar todan hodi organiza no mobiliza povu ba rezisténsia no prepara populasaun sira ba vota iha loron 30 Agostu 1999. Portantu vitória popular iha tinan 20 liu ba la mai de’it nudár asidentál maibé mai husi esforsu organizada husi parte oin-oin inklui esforsu sagrada Familia nian. Selebrasaun ida ne’e partisipa husi responsavel mane no feto sira inklui membru sira husi Munisipiu oin-oin iha Timor-Lorosa’e.
Iha selebrasaun ne’e, Viqueque oan sira husu atu tinan 2020 sei organiza selebrasaun iha Viqueque. Fundador rona no hateten tenke organiza di’ak liu no involve mós membru órgaun Diretivu ba organiza preparasaun sira atu nune’e bele mobiliza membru tomak iha territóriu Nasional ba partisipa iha Viqueque tinan oin.
Obrigadu no la’o ba oin nafatin


Komentar

Posting Komentar

Postingan populer dari blog ini

Mana Ella hakotu is iha Ospitál hafoin hetan asidente karreta soke.

Gambar
Foto; Mabere Mana Ella hetan soke husi kontentór ida iha eskola pre primária Sao Carlos nia oin, Tuku 10 dadeer loron kinta feira dia 14 Marsu 2018. Ha’u rasik la haree ho matan asidente ida ne’e, tuir ema konta no hakerek iha media sira katak, Ella atu ba tula nia sobriña/o iha eskola ne’e, kontentór halai husi diresaun kolmera ba Bairopite, derrepente halai sai fali ba dalan ne’ebé la’ós nia diresaun no hodi xoke mana ELLA ate mate bainhira lori too iha ospitál boot. Ha’u rasik seidauk hatene kondisaun loloos husi kondutór kontentór refere, bainhira xoke, ha’u rona de’it katak, karreta ne’e la’ós kondutór prinsipál mak loris, iha karreta ne’e iha ema na’in tolu inklui kondutór iha karreta oin. Tuir relatóriu polísia nia katak kondutór, Karreta halai maka’as, hakfodak ho karreta ki’ik, nia halai ba mana ne’e ate grave.   Oras ne’e kondutór iha ona sela Polísia, hodi hetan investigasaun no prosesa tuir prosedimentu legal ne’ebé ita iha. Diskusaun barak sobre kazu hanes...
Le'e artigu tomak

Lia Rekadu kona-ba Loron 40 aifunan Saudozu Komandante L-4 nian.

Gambar
LIA REKADU MEMORIA SAUDOZU “HA’U NIA MATE MAK IMI NIA TRISTE, MAIBÉ HA’U NIA MEMÓRIA SEI HORIK NAFATIN HO IMI” ANDRE DA COSTA BELO ‘L.4’ ⋆ Laga, 12 Maiu 1957 †Dili, 10 Novembru, 2018 Realidade katak, moris husi rai sei fila-fali ba rai, ida ne’e mak na’in Maromak nia kriatura, ohin viajen moris nian iha mundu hotu ona hodi fila hikas ba aman Maromak, hamutuk ho anju no santu hotu iha reinu lalehan. ANDRE DA COSTA BELO L.4 ho tempu no oras indeterminadu, mai ita reza ba ita nia aman, maun, alin no belun di’ak hodi nia ba haksolok hamutuk ho anju no santu sira iha reinu lalehan. Liu husi biban ida ne’e ami família enlutada saudozu ANDRE DA COSTA BELO L-4. Nudár veteranu, kombatentes no responsavel Másimu ba organizasaun Sagrada Familia (OSF), ami família enlutada hakarak konvida Responsavel Kaixa ho membru sira, família, kolega, maun, alin, kamarada, kompañeiru, belun, kompatriota no parentes sira hotu iha ne’ebé de’it, atu mai partisipa serimónia ai-funan fahe malu nian (...
Le'e artigu tomak

Kazu Agresaun Fíziku hasoru manifestante no Vendedór Ambulantes sira.

Gambar
    Konferénsia imprensa: Ba Kazu Agresaun Fíziku hasoru manifestante no Vendedór Ambulantes sira. "Solusaun justu no dignu ba Vendedór Ambulante” Foto husi media sosial Kapital sai nudár sentru atividade ekonómiku hahú hosi restaurasaun independénsia Timor-Leste nian, ne’ebé mak Restaura iha 2002. Situasaun ida ne’e polítika na’in sira seidauk rezolve too ohin loron, mezmu Konstituisaun da Repúblika artigu 5 desentralizasaun no artigu 72 ko’alia kona-ba podér lokál maibé iha realidade estadu no governu kontinua sentraliza atividade tomak iha kapitál DILI nudár sentru ba dezenvolvimentu nasionál. Bazeia ba realidade ida ne’e mak sidadaun hotu-hotu mai buka moris iha kapitál Dili nudár Kapital Nasaun doben ida ne’e nian. Iha atividade ekonómiku ne’ebé maka sentraliza iha kapitál mak ezije ukun na’in sira nia responsabilidade no matenek atu tau matan ba nia sidadaun rasik hodi eduka, motiva, no organiza sira atu bele sai sidadaun sira ne’e...
Le'e artigu tomak