Asosiação dos Ex-Prizioneiros Políticos no Klibur Solidariedade Timor-Leste fó parabéns no solidariedade ba Prizioneiru Polítiku Palestina
Komunikadu Imprensa
Asosiação dos Ex-Prizioneiros
Políticos no
Klibur Solidariedade Timor-Leste
fó parabéns no solidariedade ba Prizioneiru
Polítiku Palestina
Data: 6
fulan-juñu tinan 2017 English Bahasa Indonesia
Celestino Gusmão (Tetun), maubere81@gmail.com, 77432621
Ami hato’o
parabéns ba prizioneiru polítiku palestinianu (mane, feto no labarik sira)
ne’ebé – liuhosi greve han koletivu durante loron 40 – manán atinje 80% husi ezijénsia
sira-nian ba direitus umanus báziku ne’ebé Israel viola sistematikamente. Ami
selebra prizioneiru polítiku sira-nia asaun koletiva ne’ebé hatudu barani no
aten-barani; Ami selebra imi-nia manán.
Tempu
hanesan selebra, ami mós deklara solidariedade no bolu atensaun ba imi-nia luta
ba liberdade, igualdade, autodeterminasaun no direitus umanus ne’ebé povu
palestina buka durante tinan barak ona. Ami-nia istória nasionál hanorin katak
bainhira ema hasoru okupasaun, esplorasaun no injustisa, tenke reziste. “Resistir e vencer.”
Barak husi
ami mak eis-prizioneiru polítiku, dadur husi Indonézia tanba ami la simu de’it
okupasaun ilegál iha ami-nia rai doben. Durante okupasaun Indonézia, ami hasoru
violénsia militár no abuzu direitus umanus; ami hasoru orden internasionál
ida-ne’ebé orientadu ba interese kompañia Estadus Unidus Amérika no militerizmu.
Ami defende ema nia dignidade – ami nian, ami-nia familia no komunidade nian.
Ami defende ami-nia vizaun ba dame no justisa, agora no iha futuru. Ami enkoraja prizioneiru polítiku sira no hato’o katak dala barak, luta ba objetivu ne’ebé mulia (laran nakonu domin) ezije ita halo sakrifísiu ho determinasaun. Ita tenke fiar katak lia-loos sei manán no sei habelar felisidade ba ema barak. Sakrifísiu hotu sei hetan rekoñesimentu; "tudo vale a pena".
Ami defende ami-nia vizaun ba dame no justisa, agora no iha futuru. Ami enkoraja prizioneiru polítiku sira no hato’o katak dala barak, luta ba objetivu ne’ebé mulia (laran nakonu domin) ezije ita halo sakrifísiu ho determinasaun. Ita tenke fiar katak lia-loos sei manán no sei habelar felisidade ba ema barak. Sakrifísiu hotu sei hetan rekoñesimentu; "tudo vale a pena".
Ohin-loron,
ami selebra ho imi no ami mós hasoru violasaun direitus umanus ema Palestina
nian husi Estadu Israel. Tuir ONG Klube Prizioneiru Palestina, iha prizioneiru
polítiku palestinianu na’in-6,500 ne’ebé inklui labarik na’in-300.
Ita hasoru violasaun sistemátika ida-ne’e, no mós hasoru papél Estadus Unidus Amérika ho ninia suporta maka’as ba militerizmu no okupasaun. Ami defende direitus umanus báziku ema Palestina nian, inklui direitu ba bee moos, uma, ai-han no servisu sosiál báziku sira no igualdade iha lei nia oin. “A luta continua.”
Ita hasoru violasaun sistemátika ida-ne’e, no mós hasoru papél Estadus Unidus Amérika ho ninia suporta maka’as ba militerizmu no okupasaun. Ami defende direitus umanus báziku ema Palestina nian, inklui direitu ba bee moos, uma, ai-han no servisu sosiál báziku sira no igualdade iha lei nia oin. “A luta continua.”
Iha
kraik: Iha Ramallah, West Bank (fulan-abríl) foto sira husi prizioneiru sira
durante demonstrasaun ne’ebé ezije liberdade ba ema-Palestina sira-ne’ebé dadur
iha prizaun Israel nian.
In
Ramallah, West Bank, April 2017. Photos of prisoners during a demonstration
demanding the release of the Palestinians held in Israeli prisons.
Credit: Issam
Rimawi/Anadolu Agency, via Getty Images (https://www.nytimes.com/2017/04/16/opinion/palestinian-hunger-strike-prisoners-call-for-justice.html?_r=0)
Komentar ini telah dihapus oleh pengarang.
BalasHapus