Konvite ba Seminariu kona-ba ezbosu lei Minero

Enkontru Públiku kona-ba Ezbosu Lei Minéiru
Organiza husi La’o Hamutuk no IOB

 



Bodik ba             :
  Iha Fatin
Asuntu                : Konvite
Anexu                  : Ajenda

Daudauk ne’e, Parlamentu Nasional Timor-Leste hala’o hela diskusaun kona-ba ezbosu Kódigu Minéiru. Ezbosu ida ne’e aprova tiha ona husi Konsellu Ministru iha Agostu 2016 liu ba, hafoin iha tinan rua nia laran hala’o diskusaun segredu no revizaun lubuk ne’ebé lidera husi Ministériu Petróleu no Rekursu Minerais (MPRM). Ezbosu lei ida ne’e hatuur hela inisiativa Governu Timor-Leste atu iha regulamentasaun ida atu hadalan atividade minéiru. 

Governu hanoin Lei ne’e nudár buat “importáncia extrema” mai Timor-Leste, atu apoiu dezenvolvimentu no kreximentu ekonómiku no prosperidade nasaun nian.  Maske nune’e, atu asegura benefísiu ba povu, Lei labele fó de’it insentivu legal forte ba investidores sira atu buka riku-soin iha rai okos, maibé presiza konteúdu legal ida ne’ebé bele lori estadu hodi halo protesaun ba meiu ambiente iha Timor-Leste. Lei tenke konsidera asuntu importante sira hanesan kondisaun jeografiku, ekonómiku, sosiál, ambientál no mós prinsipiu polítika mundiál seluk ne’ebé daudauk ne’e Timor-Leste adere tiha ona.

La’o Hamutuk ho Institute Of Business (IOB) sei realiza enkontru públiku ida kona-ba Ezbosu Lei Minéiru ne’e no konvida reprezentante husi Parlamentu Nasional no Akademiku ho objetivu atu fahe informasaun kona-ba ezbosu lei Minéiru no mós hetan perspetiva di’ak husi partisipante sira hodi ajuda prosesu revizaun ba ezbosu Lei ne’e molok hetan aprovasaun husi Parlamentu Nasionál.

Ho oportunidade ida ne’e La’o Hamutuk ho Institute Of Business (IOB) hakarak konvida ita boot sira atu mai partisipa iha Enkontru Públiku ne’ebé mak sei realiza iha:

Data                :13 Juñu 2017
Oras                :08.30 – 12.00 Horas Timor-Leste
Fatin                :Salaun Enkontru IOB, Pantai Kelapa-Dili

Ho ita boot sira nia prezensa no partisipasaun hodi fó hanoin konstrutivu mak sei halo mudansa ba ezbosu lei ida ne’e.
Mak ne’e de’it ami nia karta, ba ita boot nia atensaun no kolaborasaun di’ak, ami hato’o obrigado wa’in.

Atu hetan informasaun klaru liu bele kontaktu mai 77432621 / 3321040
  
Dili, 8 Juñu 2017

Ami ne’ebé mak sara lia                                                                                                                  
Representate ekipa Konjunta Konsultasaun Públiku, ekonómia no Rekursu naturais


Celestino Gusmão Pereira           : La’o Hamutuk                            
Juviano Xavier                             : Institute Of Business (IOB)                                                                                                                         
Ajenda
Enkontru Públiku kona-ba Ezbosu Lei Minéiru
Dili, 13 Juñu 2017

Oras
Atividade
08:30 -09.00
Registu partisipantes
09.10-09.15
Introdusaun MC/Moderador
09.15 – 09.30
Orador I : Sr. Juvinal Dias, Peskizador La’o Hamutuk
Sei aprezenta kona-ba “Lei Mineiru: Lisensa ba luku iha rai okos, estraga rai”
09.30 – 09.45
Orador II : Sra. Jacinta Abu Cau Pereira, Prezidente Komisaun D Parlamentu Nasionál
Sei aprezenta kona-ba “Vantajen no Dezvantajen husi Ezbosu Lei Minéiru ba Timor-Leste”
09.45 – 10.00
Orador III : Sr. Dr. Augusto da Conceição Soares, SE. MM, Rector IOB
Sei aprezenta kona-ba “Rezultadu Peskiza kona-ba Minéiru iha Timor-Leste”
10.00  – 12.00
Husu no hatan
12.00
Taka no snack











Komentar

Posting Komentar

Postingan populer dari blog ini

Mana Ella hakotu is iha Ospitál hafoin hetan asidente karreta soke.

Gambar
Foto; Mabere Mana Ella hetan soke husi kontentór ida iha eskola pre primária Sao Carlos nia oin, Tuku 10 dadeer loron kinta feira dia 14 Marsu 2018. Ha’u rasik la haree ho matan asidente ida ne’e, tuir ema konta no hakerek iha media sira katak, Ella atu ba tula nia sobriña/o iha eskola ne’e, kontentór halai husi diresaun kolmera ba Bairopite, derrepente halai sai fali ba dalan ne’ebé la’ós nia diresaun no hodi xoke mana ELLA ate mate bainhira lori too iha ospitál boot. Ha’u rasik seidauk hatene kondisaun loloos husi kondutór kontentór refere, bainhira xoke, ha’u rona de’it katak, karreta ne’e la’ós kondutór prinsipál mak loris, iha karreta ne’e iha ema na’in tolu inklui kondutór iha karreta oin. Tuir relatóriu polísia nia katak kondutór, Karreta halai maka’as, hakfodak ho karreta ki’ik, nia halai ba mana ne’e ate grave.   Oras ne’e kondutór iha ona sela Polísia, hodi hetan investigasaun no prosesa tuir prosedimentu legal ne’ebé ita iha. Diskusaun barak sobre kazu hanes...
Le'e artigu tomak

Lia Rekadu kona-ba Loron 40 aifunan Saudozu Komandante L-4 nian.

Gambar
LIA REKADU MEMORIA SAUDOZU “HA’U NIA MATE MAK IMI NIA TRISTE, MAIBÉ HA’U NIA MEMÓRIA SEI HORIK NAFATIN HO IMI” ANDRE DA COSTA BELO ‘L.4’ ⋆ Laga, 12 Maiu 1957 †Dili, 10 Novembru, 2018 Realidade katak, moris husi rai sei fila-fali ba rai, ida ne’e mak na’in Maromak nia kriatura, ohin viajen moris nian iha mundu hotu ona hodi fila hikas ba aman Maromak, hamutuk ho anju no santu hotu iha reinu lalehan. ANDRE DA COSTA BELO L.4 ho tempu no oras indeterminadu, mai ita reza ba ita nia aman, maun, alin no belun di’ak hodi nia ba haksolok hamutuk ho anju no santu sira iha reinu lalehan. Liu husi biban ida ne’e ami família enlutada saudozu ANDRE DA COSTA BELO L-4. Nudár veteranu, kombatentes no responsavel Másimu ba organizasaun Sagrada Familia (OSF), ami família enlutada hakarak konvida Responsavel Kaixa ho membru sira, família, kolega, maun, alin, kamarada, kompañeiru, belun, kompatriota no parentes sira hotu iha ne’ebé de’it, atu mai partisipa serimónia ai-funan fahe malu nian (...
Le'e artigu tomak

Kazu Agresaun Fíziku hasoru manifestante no Vendedór Ambulantes sira.

Gambar
    Konferénsia imprensa: Ba Kazu Agresaun Fíziku hasoru manifestante no Vendedór Ambulantes sira. "Solusaun justu no dignu ba Vendedór Ambulante” Foto husi media sosial Kapital sai nudár sentru atividade ekonómiku hahú hosi restaurasaun independénsia Timor-Leste nian, ne’ebé mak Restaura iha 2002. Situasaun ida ne’e polítika na’in sira seidauk rezolve too ohin loron, mezmu Konstituisaun da Repúblika artigu 5 desentralizasaun no artigu 72 ko’alia kona-ba podér lokál maibé iha realidade estadu no governu kontinua sentraliza atividade tomak iha kapitál DILI nudár sentru ba dezenvolvimentu nasionál. Bazeia ba realidade ida ne’e mak sidadaun hotu-hotu mai buka moris iha kapitál Dili nudár Kapital Nasaun doben ida ne’e nian. Iha atividade ekonómiku ne’ebé maka sentraliza iha kapitál mak ezije ukun na’in sira nia responsabilidade no matenek atu tau matan ba nia sidadaun rasik hodi eduka, motiva, no organiza sira atu bele sai sidadaun sira ne’e...
Le'e artigu tomak