Konvite ba Media-Konferensia Imprensa Koba-ba Kazu Kuluhun.

Rede Defensór Direitus Umanus

(RDDU)

Rua Karketu Mota-ain Nù. 08, Farol, Dili Timor-Leste

                                            No. Telefone: (+670) 77259858, 77372095

E-mail: joanicogomes58@gmail.com

Nu: 4/RDDU/III/19

Hato’o ba         : Media no Jornalista sira

Asuntu             : Konvite halo kobertura

Ho respeitu

Rede Defensor Direitus Umanus Nudár organizasaun ida ne’ebé, harii husi organizasaun sosiedade sivíl, liu-liu organizasaun hirak ne’ebé hala’o knar iha area direitus umanus. Ho objetivu tau matan ba dezenvolvimentu direitus Umanus iha Timor-Leste no halo advokasia ba kazu alegasaun direitus Umanus ne’ebé involve husi autoridade seguransa kontra sidadaun sira.


Nudár públiku hatene, iha dia 18 Novembru 2018, ajente Polísia balun tiru Populasaun sira iha festa kazamentu ida iha Kuluhun. Iha tiroteiu ne’e rezulta ema na’in tolu lakon vida no ema na’in lima hetan kanek. Entre sira ne’ebé mate, balun soe hela fen no oan sira no balun sei joven ne’ebé soe hela nia família sira. Sira ne’ebé kanek, ida lakon rins, ida liman atu tesi, ida bala musan sei iha pulmaun laran no seluk presiza iha tratamentu di’ak.  

Rede defensór direitus Umanus, sei realiza konferénsia imprensa ida hodi fó sai ba Públiku relasaun ho trajédia iha Kuluhun fulan hirak ba kotuk. Iha konferénsia ne’e, família no vítima sira sei fó sai mós situasaun atuál, família no vítima sira nian no sei hato’o ejijénsia sira balun ba instituisaun estadu nian no Governu nia responsabilidade ba kazu ida ne’e nia konsekuénsia.

Komunikadu Impresa ne’e sei realiza iha:

Loron              : Tersa Feira

Data                : 19/3/2019

Oras                 : 9:30 to’o remata

Fatin                : Salaun Asosiasaun Hak

Mak ne’e de’it ba atensaun no kolaborasaun di’ak la haluha hato’o obrigadu wa’in.

         Dili, 18/3/2019

            Saran lian

 (Inoçencio de J. Xavier)

          Kor. RDDU