Lia Rekadu kona-ba Loron 40 aifunan Saudozu Komandante L-4 nian.

LIA REKADU
MEMORIA SAUDOZU
“HA’U NIA MATE MAK IMI NIA TRISTE, MAIBÉ HA’U NIA MEMÓRIA SEI HORIK NAFATIN HO IMI”
ANDRE DA COSTA BELO ‘L.4’
⋆Laga, 12 Maiu 1957
†Dili, 10 Novembru, 2018
Realidade katak, moris husi rai sei fila-fali ba rai, ida ne’e mak na’in Maromak nia kriatura, ohin viajen moris nian iha mundu hotu ona hodi fila hikas ba aman Maromak, hamutuk ho anju no santu hotu iha reinu lalehan. ANDRE DA COSTA BELO L.4 ho tempu no oras indeterminadu, mai ita reza ba ita nia aman, maun, alin no belun di’ak hodi nia ba haksolok hamutuk ho anju no santu sira iha reinu lalehan.

Liu husi biban ida ne’e ami família enlutada saudozu ANDRE DA COSTA BELO L-4. Nudár veteranu, kombatentes no responsavel Másimu ba organizasaun Sagrada Familia (OSF), ami família enlutada hakarak konvida Responsavel Kaixa ho membru sira, família, kolega, maun, alin, kamarada, kompañeiru, belun, kompatriota no parentes sira hotu iha ne’ebé de’it, atu mai partisipa serimónia ai-funan fahe malu nian (40 dias) ba ami nia Kaben, Aman, Maun, Tiu, alin no Avo, ne’ebé fila hikas ona ba Aman Maromak nia kadunan Santu, iha Loron 10, Fulan Novembru, Tinan 2018, ho nia programa mak hanesan tuir mai nee:

Hader Ai-Funan
Loron : Sesta-Feira, 14/12/2018
Fatin : Saudozu nia uma Fatuhada
Oras : 18:00 PM

Misa Agradesimentu
Loron              : Sábadu 15/12/2018
Fatin                : Kapela Madre Carmelita Fatuhada
Oras                 : 08:30 
Kari Ai-funan : Semitériu Jardim dos Herois Metinaru

Jantar Konfraternizasaun
Fatin                : Saudozu nia uma Fatuhada
Oras                 : Depois de Kari-Ai-funan

Ho haraik an ami família enlutada agradese ba maluk no parentes sira hotu nia prezensa ho laran luak no solidariedade la haluha ami hato’o obrigadu barak. Se hakarak lee biografia Saudozu nia, bele hetan husi ne'e; http://mauberegusmao.blogspot.com/2018/11/biografia-saudozu-andre-da-costa-belo.html.


FAMILIA ENLUTADA
DA COSTA BELO



Komentar

Posting Komentar

Postingan populer dari blog ini

Mana Ella hakotu is iha Ospitál hafoin hetan asidente karreta soke.

Gambar
Foto; Mabere Mana Ella hetan soke husi kontentór ida iha eskola pre primária Sao Carlos nia oin, Tuku 10 dadeer loron kinta feira dia 14 Marsu 2018. Ha’u rasik la haree ho matan asidente ida ne’e, tuir ema konta no hakerek iha media sira katak, Ella atu ba tula nia sobriña/o iha eskola ne’e, kontentór halai husi diresaun kolmera ba Bairopite, derrepente halai sai fali ba dalan ne’ebé la’ós nia diresaun no hodi xoke mana ELLA ate mate bainhira lori too iha ospitál boot. Ha’u rasik seidauk hatene kondisaun loloos husi kondutór kontentór refere, bainhira xoke, ha’u rona de’it katak, karreta ne’e la’ós kondutór prinsipál mak loris, iha karreta ne’e iha ema na’in tolu inklui kondutór iha karreta oin. Tuir relatóriu polísia nia katak kondutór, Karreta halai maka’as, hakfodak ho karreta ki’ik, nia halai ba mana ne’e ate grave.   Oras ne’e kondutór iha ona sela Polísia, hodi hetan investigasaun no prosesa tuir prosedimentu legal ne’ebé ita iha. Diskusaun barak sobre kazu hanes...
Le'e artigu tomak

Kazu Agresaun Fíziku hasoru manifestante no Vendedór Ambulantes sira.

Gambar
    Konferénsia imprensa: Ba Kazu Agresaun Fíziku hasoru manifestante no Vendedór Ambulantes sira. "Solusaun justu no dignu ba Vendedór Ambulante” Foto husi media sosial Kapital sai nudár sentru atividade ekonómiku hahú hosi restaurasaun independénsia Timor-Leste nian, ne’ebé mak Restaura iha 2002. Situasaun ida ne’e polítika na’in sira seidauk rezolve too ohin loron, mezmu Konstituisaun da Repúblika artigu 5 desentralizasaun no artigu 72 ko’alia kona-ba podér lokál maibé iha realidade estadu no governu kontinua sentraliza atividade tomak iha kapitál DILI nudár sentru ba dezenvolvimentu nasionál. Bazeia ba realidade ida ne’e mak sidadaun hotu-hotu mai buka moris iha kapitál Dili nudár Kapital Nasaun doben ida ne’e nian. Iha atividade ekonómiku ne’ebé maka sentraliza iha kapitál mak ezije ukun na’in sira nia responsabilidade no matenek atu tau matan ba nia sidadaun rasik hodi eduka, motiva, no organiza sira atu bele sai sidadaun sira ne’e...
Le'e artigu tomak