Mensajen husi Reno Boro no Resi Boro nia oan mane iha Brasil, Julião Borokai Pereira

 LIA MENON


Saudações ba Herois Selegua no Bei-ala sira hotu nebe akompaña hela ita iha fatin ida ne’e. Hau nia respeitu no hakruk ba Ate-Leba hotu, husi uma Lua-Buti, Asa-Buti, Ligu-Mau, Tirilolo, Roria, Lofomutu no Lakibere.

Lokraik diak ba abo, tiun, tian, maun-alin, inan-feton sira hotu nebe agora halibur hamutuk hela iha ne’e.

Ohin la’os momentu ida atu ita hotu lamenta no triste tamba lakon ona ita nia Adat-Nain, Abo, Aman, Tiun, Primu, Rian “Tomas RESI BORO”. Maibe, ohin fo oportunidade ida ba ita hotu atu bele reflete oituan, ba ezemplu diak nebe Saudoso husik hela ba ita.

Saudoso Tomas iha nia limitasaun barak wainhira sei moris maibe, ho orgulho konsege sustenta oan no bei-oan sira hotu sai boot. Ba oan sira hotu, favor ida hare malu diak. Ita nia aman wainhira sei moris, lahatene halo problema no hatene mak hamnasa no halo belun iha fatin nebe deit mak nia ba. Ho fuan boot, saudoso mos husik hela historia murak klandestina nian ba ita hotu, fo suporta ba oan no maun-alin nebe hola parte iha Frente Armada Região Três.

Ita hotu hatene katak Selegua sai baze forte ida iha Tempu Indonesia nian. Historia funu nebe envolve Selegua nia ema, la’os iha tempo Bapa nian deit maibe mai husi kedas tempo Bei-ala nian. Ba ita hotu nebe hatene historia, funu Alas-Manufahi nian hahu iha Selegua. Aswain Selegua nian sempre manan funu tamba Maun-alin, Inan-feton sira hotu, sempre neon ida no laran ida deit, ho razaun ita mai husi hun ida deit. Ezemplu ida ne’e mak ita nebe agora sei moris hela, presija banati tuir. 

Selegua nia funu hotu ona? Hau sente lae! Ba foin-sa’e sira, ita nia funu foin mak hahu no sei lori tempu naruk. Ita presija hatutan bei-ala sira nia funu hodi defende rai doben ida ne’e. Maibe agora ba oin, ita nia funu la’os luta armada hanesan uluk. Ita bele utiliza nafatin politika klandestina hodi hola parte iha festa demokrasia iha Rai Lulik Timor.

Atu hola parte iha funu foun ida ne’e, husu atu foin-sa’e sira banati tuir AIN-FATIN Bei-ala sira nian. Nebe molok ba funu, kria uluk paz no damen iha uma laran, entre maun-alin uma lulik 8 (ualu) iha Selegua. Respeita malu no laran mos ba malu sai kultura nebe forti no sempre garante susesu iha funu nia laran.

Ita nia Bei-ala sira hameno hela ba ita katak, ita EMA mak importante no as liu sasan sira hotu mundu nian. Tan iha ema mak hahu funu atu liberta Patria no ohin sei kontinua atu liberta povo husi mukit. Se ita manan uluk funu ba paz no damen iha uma laran no knua hotu, bele dehan katak Selegua nia oan pronto tan ona atu hasoru funu saída deit, iha loron aban mai.

Inan-aman no joven sira, molok hau hakotu hau nia diskursu badak ida ne’e, husu atu ita hotu hasa’e orasaun atu nune’e ita nia Adat-Nain, Abo, Aman, Tiun, Primu, Rian “Tomas RESI BORO” nia klamar, bele hakmatek hamutuk ho Bei-ala sira hotu iha reinu lalehan nian. Ita nebe hela, husu atu mantem UNIDADE. Uniku valor ho orgulho nebe ita nia Bei-ala sira husik hela ba ida.

Liafuan husi Reno Boro no Resi Boro nia oan mane iha Brasil 

Julião Borokai Pereira

Komentar

Posting Komentar

Postingan populer dari blog ini

Mana Ella hakotu is iha Ospitál hafoin hetan asidente karreta soke.

Gambar
Foto; Mabere Mana Ella hetan soke husi kontentór ida iha eskola pre primária Sao Carlos nia oin, Tuku 10 dadeer loron kinta feira dia 14 Marsu 2018. Ha’u rasik la haree ho matan asidente ida ne’e, tuir ema konta no hakerek iha media sira katak, Ella atu ba tula nia sobriña/o iha eskola ne’e, kontentór halai husi diresaun kolmera ba Bairopite, derrepente halai sai fali ba dalan ne’ebé la’ós nia diresaun no hodi xoke mana ELLA ate mate bainhira lori too iha ospitál boot. Ha’u rasik seidauk hatene kondisaun loloos husi kondutór kontentór refere, bainhira xoke, ha’u rona de’it katak, karreta ne’e la’ós kondutór prinsipál mak loris, iha karreta ne’e iha ema na’in tolu inklui kondutór iha karreta oin. Tuir relatóriu polísia nia katak kondutór, Karreta halai maka’as, hakfodak ho karreta ki’ik, nia halai ba mana ne’e ate grave.   Oras ne’e kondutór iha ona sela Polísia, hodi hetan investigasaun no prosesa tuir prosedimentu legal ne’ebé ita iha. Diskusaun barak sobre kazu hanes...
Le'e artigu tomak

Lia Rekadu kona-ba Loron 40 aifunan Saudozu Komandante L-4 nian.

Gambar
LIA REKADU MEMORIA SAUDOZU “HA’U NIA MATE MAK IMI NIA TRISTE, MAIBÉ HA’U NIA MEMÓRIA SEI HORIK NAFATIN HO IMI” ANDRE DA COSTA BELO ‘L.4’ ⋆ Laga, 12 Maiu 1957 †Dili, 10 Novembru, 2018 Realidade katak, moris husi rai sei fila-fali ba rai, ida ne’e mak na’in Maromak nia kriatura, ohin viajen moris nian iha mundu hotu ona hodi fila hikas ba aman Maromak, hamutuk ho anju no santu hotu iha reinu lalehan. ANDRE DA COSTA BELO L.4 ho tempu no oras indeterminadu, mai ita reza ba ita nia aman, maun, alin no belun di’ak hodi nia ba haksolok hamutuk ho anju no santu sira iha reinu lalehan. Liu husi biban ida ne’e ami família enlutada saudozu ANDRE DA COSTA BELO L-4. Nudár veteranu, kombatentes no responsavel Másimu ba organizasaun Sagrada Familia (OSF), ami família enlutada hakarak konvida Responsavel Kaixa ho membru sira, família, kolega, maun, alin, kamarada, kompañeiru, belun, kompatriota no parentes sira hotu iha ne’ebé de’it, atu mai partisipa serimónia ai-funan fahe malu nian (...
Le'e artigu tomak

Kazu Agresaun Fíziku hasoru manifestante no Vendedór Ambulantes sira.

Gambar
    Konferénsia imprensa: Ba Kazu Agresaun Fíziku hasoru manifestante no Vendedór Ambulantes sira. "Solusaun justu no dignu ba Vendedór Ambulante” Foto husi media sosial Kapital sai nudár sentru atividade ekonómiku hahú hosi restaurasaun independénsia Timor-Leste nian, ne’ebé mak Restaura iha 2002. Situasaun ida ne’e polítika na’in sira seidauk rezolve too ohin loron, mezmu Konstituisaun da Repúblika artigu 5 desentralizasaun no artigu 72 ko’alia kona-ba podér lokál maibé iha realidade estadu no governu kontinua sentraliza atividade tomak iha kapitál DILI nudár sentru ba dezenvolvimentu nasionál. Bazeia ba realidade ida ne’e mak sidadaun hotu-hotu mai buka moris iha kapitál Dili nudár Kapital Nasaun doben ida ne’e nian. Iha atividade ekonómiku ne’ebé maka sentraliza iha kapitál mak ezije ukun na’in sira nia responsabilidade no matenek atu tau matan ba nia sidadaun rasik hodi eduka, motiva, no organiza sira atu bele sai sidadaun sira ne’e...
Le'e artigu tomak