Violasaun Direitus Umanus Kontinua repete hafoin tinan 20 Konsulta Popular iha TL


Rede Defensór Direitus Umanus (RDDU)
Rua: Faról, Dili Karaketu, Timor-Leste
Nu.telefone (+670) 77139641 / 77259858

Komunikadu Imprensa

SITUASAUN DIREITUS UMANUS TIMOR-LESTE IHA ERA TINAN 20
Vitima Ajente Polisia baku iha Mulia-Baucau
Tinan 20 ona Povu Timor-Leste ses an husi okupasaun ilegál militár Indonézia, aktu militarismu no violénsia similar balun ne’ebé Militár no Polísia Indonézia komete kontra Povu Timor, kontinua repete durante tinan 20 hafoin konsulta Popular”.
Tanba ne’e Rede Defensor Direitus Umanus-RDDU, ne’ebé kompostu husi organizasaun sosiedade sívil hirak ne’ebé tau matan ba direitus umanus[1], hakarak hato’o nia ejizensia relasaun ho protesaun direitus umanus hafoin tinan 20. RDDU nota katak asaun violasaun direitus umanus kontinua akontese ba sidadaun sira durante atuasaun polisia iha terenu.
Relatóriu CAVR-CHEGA! Fahe ona ba instituisaun estadu tomak iha TL dezde tinan 2005 ate agora inklui fahe ona ba autoridade seguransa sira. Iha konteúdu relatóriu ida ne’e iha mós rekomendasaun lubuk, rekomendasaun ida mak hakerek hanesan ne’e “Membru husi Servisu Polísia sira maka iha responsabilidade ba sira nia hahalok ne’ebé la tuir lei no bainhira polísia involve iha kazu abuzu hasoru direitus umanus, tenke lori ba iha tribunal, no la’ós taka fali husi polísia ka prosedimentu interna”. Portantu, iha realidade agora kazu barak la too iha tribunal tanba Polísia no MP arkivu de’it iha sira nia gaveta. Ho razaun katak la iha evidénsia forte atu akuza ema ajente ruma komete violasaun direitus umanus (vítima sira la hatene autór nia identidade)
Durante ne’e RDDU halo akompañamentu ba vítima no família vítima sira no mós halo monitorizasaun direita ba situasaun direitus umanus. Husi rezultadu monitorizasaun ne’e hatudu katak kazu violasaun direitus umanus liu-liu kazu halakon ema nia vida no hakanek ema kontinua akontese hanesan kazu iha Kuluhun, Maliana Oecusse, Manatuto, Kolmera, Atauro, Liquisa, Covalima-Fatumea, Bebonuk, Pantai Kelapa, no iha Laga. Nune’e mós iha tinan 2019 kontinua akontese kazu hanesan iha Baucau (Teulale, Mulia, Seisal), Kaikoli, Tokobaru II, Liquiça, Ainaro, Eskola 10 Dezembru, nomos negosiante ambulante iha edifísiu Parlamentu nia oin.
Ajente PNTL uza ropa Sivil ne'e baku Joven ida
Too Ran fakar.
Haree ba kazu sira ne’e, RDDU konsidera hahalok ajente PNTL balun la umanu no viola direitu sidadaun sira nian ne’ebé konsagra iha Konstituisaun no lei internasionál sira ne’ebé mak Estadu Timor-Leste ratifika ona. Liu husi RDDU nia monitorizaun hetan katak husi kazu sira mensiona iha leten, uitoan de’it mak hetan atensaun másimu husi autór justisa sira, barak liu mak la’o neineik no barak husi kazu hirak ne’e nia statuta la klaru.
Maski nune’e, RDDU mós apresia servisu PNTL nian ne’ebé durante ne’e ho limitasaun oi-oin maibé nafatin esforsu hodi estabiliza situasaun iha rai laran. Hakarak apresia ho estrutura Komandu foun atu bele servisu maka’as hodi promove kapasidade mentalidade ajente sira nian hodi profesionaliza instituisaun seguransa hodi hametin pas no estabilidade iha rai laran.
Tanba ne’e RDDU Ejize;
1.     Ba Ministériu Públiku hanesan nain ba asaun penál atu asume nia papél hodi halo investigasaun imediatu ba kazu sira ne’ebé ami mensiona iha leten hodi sub-mete ba Tribunál atu vitima bele hetan justisa.
2.     Ba Komandu Polisía Nasionál Timor Leste atu halo investigasaun ida ne’ebé transparante, onestu no prudente hodi identifika suspeitu oknum sira, nune’e bele fó sansaun adekuadu tuir lei no regulamentu interna PNTL nian ne’ebé iha.
3.     Husu ba estudante no jovens sira atu kontinua estuda no prepara an hodi kontribui ba pas no estabilidade.
4.     Husu ba inan aman sira atu tau matan no kontrola oan sira nia atividade nune’e labele monu ba hahalok at no pratika krime iha públiku.
RDDU mós hakarak Rekomenda;
1.     Ba Komandu Polísia Nasionál Timor-Leste, atu halo atuasaun ba situasaun saida de’it iha terenu presiza respeita valór no prinsípiu direitus umanus.
2.     Ba Ministériu Interiór atu kontinua fó formasaun ba PNTL nune’e halo atuasaun ho profesionál no mós tuir lei ne’ebé vigora iha ita nia estadu.
3.     Instituisaun sira ne’ebé fó formasaun ba PNTL atu halo avaliasaun ba formasaun ne’ebé sira fó tiha ona atu intrudus formasaun foun ida ne’ebé bele ajuda duni koñesimentu no kumprimentu ba lei no respeita direitu fundamental sidadaun sira nia husi PNTL.
4.     Ba Governu hodi investe ba ekipamentu nesesariu polisia nian hodi responde ba situasaun ho forsa minimu tuir Dekretu Lei 43/2011 relasaun ho uza forsa.

Dili, 12 Abril 2019
Porta voz

Inocencio de Jesus Xavies
Koordenadór RDDU


[1] Membru Rede: Hak, Ajar, Acbit, Belun, La’o Hamutuk, Codiva, Alfela, JSMP, ADTL, CBR-N, AHDMTL, Fundasaun Mahein.  ADTL.


Komentar

Posting Komentar

Postingan populer dari blog ini

Mana Ella hakotu is iha Ospitál hafoin hetan asidente karreta soke.

Gambar
Foto; Mabere Mana Ella hetan soke husi kontentór ida iha eskola pre primária Sao Carlos nia oin, Tuku 10 dadeer loron kinta feira dia 14 Marsu 2018. Ha’u rasik la haree ho matan asidente ida ne’e, tuir ema konta no hakerek iha media sira katak, Ella atu ba tula nia sobriña/o iha eskola ne’e, kontentór halai husi diresaun kolmera ba Bairopite, derrepente halai sai fali ba dalan ne’ebé la’ós nia diresaun no hodi xoke mana ELLA ate mate bainhira lori too iha ospitál boot. Ha’u rasik seidauk hatene kondisaun loloos husi kondutór kontentór refere, bainhira xoke, ha’u rona de’it katak, karreta ne’e la’ós kondutór prinsipál mak loris, iha karreta ne’e iha ema na’in tolu inklui kondutór iha karreta oin. Tuir relatóriu polísia nia katak kondutór, Karreta halai maka’as, hakfodak ho karreta ki’ik, nia halai ba mana ne’e ate grave.   Oras ne’e kondutór iha ona sela Polísia, hodi hetan investigasaun no prosesa tuir prosedimentu legal ne’ebé ita iha. Diskusaun barak sobre kazu hanes...
Le'e artigu tomak

Lia Rekadu kona-ba Loron 40 aifunan Saudozu Komandante L-4 nian.

Gambar
LIA REKADU MEMORIA SAUDOZU “HA’U NIA MATE MAK IMI NIA TRISTE, MAIBÉ HA’U NIA MEMÓRIA SEI HORIK NAFATIN HO IMI” ANDRE DA COSTA BELO ‘L.4’ ⋆ Laga, 12 Maiu 1957 †Dili, 10 Novembru, 2018 Realidade katak, moris husi rai sei fila-fali ba rai, ida ne’e mak na’in Maromak nia kriatura, ohin viajen moris nian iha mundu hotu ona hodi fila hikas ba aman Maromak, hamutuk ho anju no santu hotu iha reinu lalehan. ANDRE DA COSTA BELO L.4 ho tempu no oras indeterminadu, mai ita reza ba ita nia aman, maun, alin no belun di’ak hodi nia ba haksolok hamutuk ho anju no santu sira iha reinu lalehan. Liu husi biban ida ne’e ami família enlutada saudozu ANDRE DA COSTA BELO L-4. Nudár veteranu, kombatentes no responsavel Másimu ba organizasaun Sagrada Familia (OSF), ami família enlutada hakarak konvida Responsavel Kaixa ho membru sira, família, kolega, maun, alin, kamarada, kompañeiru, belun, kompatriota no parentes sira hotu iha ne’ebé de’it, atu mai partisipa serimónia ai-funan fahe malu nian (...
Le'e artigu tomak

Kazu Agresaun Fíziku hasoru manifestante no Vendedór Ambulantes sira.

Gambar
    Konferénsia imprensa: Ba Kazu Agresaun Fíziku hasoru manifestante no Vendedór Ambulantes sira. "Solusaun justu no dignu ba Vendedór Ambulante” Foto husi media sosial Kapital sai nudár sentru atividade ekonómiku hahú hosi restaurasaun independénsia Timor-Leste nian, ne’ebé mak Restaura iha 2002. Situasaun ida ne’e polítika na’in sira seidauk rezolve too ohin loron, mezmu Konstituisaun da Repúblika artigu 5 desentralizasaun no artigu 72 ko’alia kona-ba podér lokál maibé iha realidade estadu no governu kontinua sentraliza atividade tomak iha kapitál DILI nudár sentru ba dezenvolvimentu nasionál. Bazeia ba realidade ida ne’e mak sidadaun hotu-hotu mai buka moris iha kapitál Dili nudár Kapital Nasaun doben ida ne’e nian. Iha atividade ekonómiku ne’ebé maka sentraliza iha kapitál mak ezije ukun na’in sira nia responsabilidade no matenek atu tau matan ba nia sidadaun rasik hodi eduka, motiva, no organiza sira atu bele sai sidadaun sira ne’e...
Le'e artigu tomak