Atake brutal iha Uma Matebian Manuel Carrascão iha tinan 1999


Atake brutal iha Uma Matebian Manuel Carrascão iha tinan 1999
Ohin dia 17 Abril 2019 kompleta tinan 20 ba Masakre ida ne’e.

Ohin dia 17 Abril 2019, família vítima, sobrevivente no ativista direitus Umanus sira halibur malu iha Uma Matebian Manuel Carrascalão iha Fundasaun oriente hodi komemora loron masakre ne’e ba tinan 20. Familia no ema sira halibur malu, hodi hanoin hikas masakre ne’e, ko’alia ba malu no presta omenajen ba matebian sira ne’ebé hetan oho husi Milisia Pro Indonézia no Militár Indonézia nia iha momentu ne’ebá. Familia vítima ida husi komemorasaun ne’e hatete, presiza tau matan ba Timor oan sira nia edukasaun ho di’ak atu asegura katak violénsia sira hanesan la repete tan no bele harii fali Timor ho esperansa foun husi estragus oin-oin funu Naruk nian.

Masakre hanesan iha dia 6 Abril iha Igreja Likisa, Masakre ne’e mós komemora husi semináriu boot ida husi família vítima, sobrevivente no ativista direitu umanus sira, hodi komemora masakre ne’e ba tinan 20. Iha semináriu, Perante Partisipante sira, Dr. Mari Alkatiri no Dr. Ramos Horta hateten, Justisa formal ba kriminozu sira nudár responsabilidade komunidade Internasionál ni’an, liu-liu konsellu seguransa Nasoins Unidas nian, Justisa formal mós depende ba tranzisaun husi rejime Militár ba demokrasia iha Indonézia rasik. Maske iha komemorasaun masakre Likisa ne’e ema barak hatete Timor-Leste mós parte husi Komunidade Internasionál ne’ebé loloos karik lider sira labele tau obstákulu ba prosesu justisa formal.
Too agora, vítima, sobrevivente no ativista direitu Umanus sira seidauk iha serteza kona-ba komunidade Internasionál nia medida efetivu atu kumpre sira nia obrigasaun ba fornese justisa ba sira ne’ebé buka. Iha Timor, kontinua iha ejijénsia ba justisa, iha Indonézia no rai sira seluk kontinua ezije atu iha akontabilidade ba krime grave sira kontra Umanidade atu nune’e bele garantia kazu similar sira la repete tan.

Relatóriu CAVR hakerek kona-ba masakre Abril 1999:
CHEGA! Iha loron 17 fulan Abril tinan 1999, bainhira milisia pro-autonomia sira halo atividade publika ida iha palasiu Governu nia oin iha Dili no ema be’e tuir serimónia ne’e mak Governador Timor-Timur, administradór Distrito Dili, chefe municipal Dili, Komandante militár provínsia nian, Kolonel Tono Suratman, asistente ba operasaun ba chefe regimentu militár, Major General Kiki Syahnakri, Komandante militár regional Militár (Udayana), Adam Damiri, ofisiál senior 2 seluk tan, bainhira atividade ne’e remata, milisia sira ne’e hatudu komportamentu destrutivu ne’ebé violentu tebes hodi nune’e ba halo atake iha Sr. Manuel Carrascalão nia uma ne’ebé refujiadu atus ba atus subar iha ne’ebá.

CHEGA! Iha loron 6 fulan Abril tinan 1999, populasaun sivíl besik 2,000 sai refujiadu iha igreja Liquiça hetan atake husi milisia Besi Merah Putih hamutuk ho soldadu Indonézia husi Kodim, Brimob ne’ebé servisu iha area Liquiça. Iha
populasaun sivíl besik 30-60 mak sira oho no militár tula mate isin hirak ne’e iha kamioneta hodi ba so’e iha fatin hirak ne’ebé ema la hatene.

CHEGA! Iha loron 12 fulan Abril tinan 1999, atu vinga de’it ba oho soldadu ABRI/TNI ne’ebé deskonfia katak Falintil mak oho, hodi nune’e sira serku tiha populasaun atus ba atus iha suku hirak ne’ebé iha sub distritu Cailaco (Bobonaro) hodi nune’e obriga sira atu tuir serimónia hakoi mate isin husi lider pro autonomia ne’e. Iha suspeitu na’in 7 apoiante pro-independénsia mak soldadu TNI sira hamutuk ho milisia Halilintar oho ema hirak ne’e iha postu Koramil, metru 100 husi fatin ne’ebé ema hirak mai hakoi mate mai hamriik ba. Ema nain13 seluk tan mós sira oho iha semana hirak tuir mai.
Bele hetan informasaun tan husi ne’e; https://www.laohamutuk.org/Justice/99/09CarrascalaoMassacre.htm. Masakre Likisa; https://www.laohamutuk.org/Justice/99/09liquicamassacre.htm
 
Posu bee ne'ebe nakfilak sai rate tanba soe mate isin iha laran.
“Hakotu impunidade mak dalan ba liberdade, asegura diretu Umanus no seguransa ema nian”.

Komentar

Posting Komentar

Postingan populer dari blog ini

Mana Ella hakotu is iha Ospitál hafoin hetan asidente karreta soke.

Gambar
Foto; Mabere Mana Ella hetan soke husi kontentór ida iha eskola pre primária Sao Carlos nia oin, Tuku 10 dadeer loron kinta feira dia 14 Marsu 2018. Ha’u rasik la haree ho matan asidente ida ne’e, tuir ema konta no hakerek iha media sira katak, Ella atu ba tula nia sobriña/o iha eskola ne’e, kontentór halai husi diresaun kolmera ba Bairopite, derrepente halai sai fali ba dalan ne’ebé la’ós nia diresaun no hodi xoke mana ELLA ate mate bainhira lori too iha ospitál boot. Ha’u rasik seidauk hatene kondisaun loloos husi kondutór kontentór refere, bainhira xoke, ha’u rona de’it katak, karreta ne’e la’ós kondutór prinsipál mak loris, iha karreta ne’e iha ema na’in tolu inklui kondutór iha karreta oin. Tuir relatóriu polísia nia katak kondutór, Karreta halai maka’as, hakfodak ho karreta ki’ik, nia halai ba mana ne’e ate grave.   Oras ne’e kondutór iha ona sela Polísia, hodi hetan investigasaun no prosesa tuir prosedimentu legal ne’ebé ita iha. Diskusaun barak sobre kazu hanes...
Le'e artigu tomak

Lia Rekadu kona-ba Loron 40 aifunan Saudozu Komandante L-4 nian.

Gambar
LIA REKADU MEMORIA SAUDOZU “HA’U NIA MATE MAK IMI NIA TRISTE, MAIBÉ HA’U NIA MEMÓRIA SEI HORIK NAFATIN HO IMI” ANDRE DA COSTA BELO ‘L.4’ ⋆ Laga, 12 Maiu 1957 †Dili, 10 Novembru, 2018 Realidade katak, moris husi rai sei fila-fali ba rai, ida ne’e mak na’in Maromak nia kriatura, ohin viajen moris nian iha mundu hotu ona hodi fila hikas ba aman Maromak, hamutuk ho anju no santu hotu iha reinu lalehan. ANDRE DA COSTA BELO L.4 ho tempu no oras indeterminadu, mai ita reza ba ita nia aman, maun, alin no belun di’ak hodi nia ba haksolok hamutuk ho anju no santu sira iha reinu lalehan. Liu husi biban ida ne’e ami família enlutada saudozu ANDRE DA COSTA BELO L-4. Nudár veteranu, kombatentes no responsavel Másimu ba organizasaun Sagrada Familia (OSF), ami família enlutada hakarak konvida Responsavel Kaixa ho membru sira, família, kolega, maun, alin, kamarada, kompañeiru, belun, kompatriota no parentes sira hotu iha ne’ebé de’it, atu mai partisipa serimónia ai-funan fahe malu nian (...
Le'e artigu tomak

Kazu Agresaun Fíziku hasoru manifestante no Vendedór Ambulantes sira.

Gambar
    Konferénsia imprensa: Ba Kazu Agresaun Fíziku hasoru manifestante no Vendedór Ambulantes sira. "Solusaun justu no dignu ba Vendedór Ambulante” Foto husi media sosial Kapital sai nudár sentru atividade ekonómiku hahú hosi restaurasaun independénsia Timor-Leste nian, ne’ebé mak Restaura iha 2002. Situasaun ida ne’e polítika na’in sira seidauk rezolve too ohin loron, mezmu Konstituisaun da Repúblika artigu 5 desentralizasaun no artigu 72 ko’alia kona-ba podér lokál maibé iha realidade estadu no governu kontinua sentraliza atividade tomak iha kapitál DILI nudár sentru ba dezenvolvimentu nasionál. Bazeia ba realidade ida ne’e mak sidadaun hotu-hotu mai buka moris iha kapitál Dili nudár Kapital Nasaun doben ida ne’e nian. Iha atividade ekonómiku ne’ebé maka sentraliza iha kapitál mak ezije ukun na’in sira nia responsabilidade no matenek atu tau matan ba nia sidadaun rasik hodi eduka, motiva, no organiza sira atu bele sai sidadaun sira ne’e...
Le'e artigu tomak